Türkmenistanyň Daşary işler ministrliginiň Halkara gatnaşyklary institutynda ýurdumyzyň bitaraplygynyň 20 ýyllygyna bagyşlanan ylmy maslahat geçirildi.
Oňa ýurdumyzyň diplomatik gullugynyň işgärleri, daşary ýurtlaryň biziň ýurdumyzda işleýän diplomatik missiýalarynyň we halkara guramalarynyň wekilhanalarynyň ýolbaşçylary, daşary ýurtly žurnalistler, milli habar beriş serişdeleriniň wekilleri hem-de ýurduň ýokary okuw mekdepleriniň professor-mugallymlary we talyplary gatnaşdylar.
Bu maslahat Türkmenistanda we daşary ýurtlarda bütin ýylyň dowamynda geçiriljek 2015-nji ýyly Bitaraplyk we Parahatçylyk ýyly diýlip yglan edilmegine bagyşlanan syýasy we durmuş-maglumat ähmiýetli çäreler toplumynyň başlangyjy bolup durýar.