Türkmenistanyň Prezidenti Gurbanguly Berdimuhamedow Eýran Yslam Respublikasynyň Prezidenti Hasan Ruhana ejesi, hanym Sakine Peýwandiniň aradan çykmagy zerarly gynanç hatyny iberdi.
“Goý, Gudraty güýçli Allatagala şu agyr pursatda Size ruhy durnuklylyk we mertlik bersin” diýlip, gynanç hatynda aýdylýar.
Türkmen döwletiniň Baştutany merhumyň maşgalasyna we dogan-garyndaşlaryna gynanjyny we ýürekden duýgudaşlyk sözlerini beýan etdi.