Arkalaşyk güni üçin 52 metrlik süýjülik torty bişirildi. Azerbaýjanda Prezident İlham Aliýewiň 52 ýaşy we Bütin dünýä azerbaýjanlylarynyň Arkalaşyk güni minasybetli uzunlygy 52 metr bolan süýjülik torty bişirildi. Paýtagt Bakuwdan 20 kilometr alysda ýerleşýän Sumgaýyt şäheriniň işewür adamlary tarapyndan guralan çärede süýjülik tortyny türk aşpezleri bişirdi.
11 tonna agyrlygyndaky tort kesilip halka paýlandy. Ýewropanyň iň uly süýjülik torty hökmünde bellige alynan tortyň bişirilmegi üçin 22 müň ýumurtga, 2,5 tonna un, 2 tonna şeker, 1 tonna süýt, 300 kilogram hozdan şokalada çenli birnäçe önümiň ulanylandygy nygtaldy.