Golaýda Balkanabat şäherinde ýerleşýän ýokary we ýörite orta hünär okuw mekdepleriniň arasynda geçirilen 64 öýjükli şaşka boýunça ýaryş tamamlandy.
Talyp oglan-gyzlaryň şahsy birinjilik ugrynda bäsleşen bu ýaryşy Balkan welaýat sport we ýaşlar syýasaty Baş müdirliginiň, Türkmenistanyň Milli şaşka merkeziniň we Türkmenistanyň Magtymguly adyndaky Ýaşlar guramasynyň Balkan welaýat Geňeşiniň guramagynda geçirildi.
Gyzgalaňly geçen ýaryşyň netijesinde talyp oglan arasynda Halkara nebit we gaz uniwersitetiniň Balkanabat bölüminden Aly Garlyýew I orna, Balkan welaýat ýörite sungat mekdebinden Gurban Baýramalyýew II orna, Balkanabat nebitçilik orta hünär okuw mekdebinden Nurgeldi Ödäýew bolsa III orna eýe bolmagy başardy.
Talyp gyzlaryň arasynda Balkan welaýat ýörite sungat mekdebinden Aýjemal Arazowa I orna, Balkanabat nebitçilik orta hünär okuw mekdebinden Ogulnabat Atabalowa II orna, Halkara nebit we gaz uniwersitetiniň Balkanabat bölüminden Merjen Şiriýewa bolsa III orna mynasyp bolmagy başardy.
Ýaryşda baýrakly orna eýe bolmagy başaran türgenlere Balkan welaýat sport we ýaşlar syýasaty Baş müdirliginiň Hormat hatlary we Türkmenistanyň Magtymguly adyndaky Ýaşlar guramasynyň Balkan welaýat Geňeşiniň ýadygärlik sowgatlary gowşuryldy.
Çeşme: www.msy.gov.tm