Köneürgenç etrabynyň pagta egriji fabriginiň işgärleri ýanwar aýynda 3,3 million manatlykdan gowrak önüm öndürdiler. Onuň aglaba bölegi daşary ýurtly alyjylara – birža geleşiklerini baglaşan türkiýeli we russiýaly telekeçilere niýetlenendir.
Köneürgenç etrabynyň pagta egriji fabrigi ýylda Daşoguz welaýatynyň pagta arassalaýjy kärhanalaryndan gelýän 6 müň tonnadan gowrak pagta süýümini gaýtadan işleýär. GFR-iň öňdebaryjy kompaniýalarynyň ýokary tehnologiýaly enjamlary bilen üpjün edilen kärhana Open End pnewmomehaniki usulda nah-mata ýüplügini öndürýär. Ýylda kärhananyň öndürýän önüminiň 80 göterimi daşary ýurtlara ugradylýar.
turkmenistan.gov.tm