Türkmenbaşynyň nebiti gaýtadan işleýän zawodlar toplumynda bios ýöriteleşen polipropilen örtgülerini (BÝPÖ) öndürýän desga oturdylan enjamlarda sazlaýyş işleri tamamlanyp gelýär. Taslama «P.T.Istana karang Laut» (Indoneziýa) kompaniýasynyň gatnaşmagynda durmuşa geçirilýär. Bu kompaniýa bilen iki görnüşli örtgi plýonkalaryny — aňyrsy görünýän bir gatly we soekstruzionlanan örtgüleri öndürýän desgany gurmak boýunça şertnama baglaşyldy.
BÝPÖ öndürýän täze desga TNGIZT-da polipropilenden öndürilýän önümleriň görnüşlerini artdyrmaga mümkinçilik berer. Ýerli çig mallardan dürli görnüşli we maksatly, şol sanda iýmit önümleri we senagat harytlary üçin niýetlenilen örtgüleriň ýylda 21 müň tonna çenlisi öndüriler.
Häzirki wagtda TNGIZT-da suwuklandyrylan gazy gaýtadan işlemek arkaly polipropilen öndürýän desga hereket edýär. Polipropilen örtgülerini öndürjek täze desga zawoddaky tehnologiki zynjyry tamamlar. Granulirlenen polipropilen dünýä bazarlarynda ýokary islegden peýdalanýar, ondan taýýarlanan önümler bolsa gymmat bahadan satylýar.
Täze desganyň gurulmagy halk hojalyk harytlaryny öndürýän ýerli kärhanalar üçin möhüm ähmiýete eýedir. Mundan başga-da, täze önümiň bir bölegini eksport etmek meýilleşdirilýär.