Türkmen tennisçileri A.Ärnepesow we G.Poçaý paýtagtymyzda dowam edýän, eziz Watanymyzyň Garaşsyzlygynyň 21 ýyllygyna bagyşlanan halkara ýaryşynyň ýarym finalyna çykdylar.
Biziň toparymyzyň türgenleri bu üstünlige şu gün çärýek finalda halkara jübütleri—T.Igamberdiýewi (Russiýa) we I.Mämmetkulyýewi (Türkmensitan) 6:2; 6:2 hasabynda ýeňip, mynasyp boldular. Olar ozal birinji aýlawda özbek jübüdi—B.Bekirowy hem-de T.Tolibjanowy 6:3; 6:1 hasabynda ýeňdiler.
Finala çykmak ugrundaky ýaryşda ökde türgenlerimiziň garşysyna halkara jübüdi—D.Karimow (Özbegistan) we Ý. Sertkaýa (Türkiýe) güýç synanyşarlar.
Şu gün ýekelikde geçirilen duşuşyklarda türkmen tennisçilerinden erkekleriň arasynda I.Mämmetkulyýew, zenanlaryň arasynda bolsa D.Baýramowa çärýek finala çykdylar.
Ýaryşyň ýeňijileri 29-njy sentýabrda belli bolar.
referans: www.turkmenistan.gov.tm