Şu gün (29.04.2020) sambo göreşi boýunça Ýaş olimpiýaçylary taýýarlaýyş mekdebiniň açyk çempionaty tamamlandy.
Mekdebiň Köpugurly sport zalynda guralan bu ýaryşa 2004-2006-njy ýyllarda doglan ýetginjekleriň arasynda geçirildi. Ýaryşa Aşgabat şäheriniň sport we ýaşlar syýasaty Baş müdirliginiň garamagyndaky sport mekdeplerinde we Türkmenistanyň Içeri işler ministrliginiň «Galkan» sport toplumynda tälim alýan türgenler gatnaşdylar. Çempionatda türgenler 10 agram derejesinde bäsleşdiler.
100-den gowrak türgenleriň işjeň gatnaşan bu ýaryşynda Berdi Batyrow (35 kg.), Esen Şöhradow (38 kg.), Kenan Muhammetnurow (42 kg.), Rufat Esenow (46 kg.), Atajan Atamyradow (50 kg.), Bähbit Kurbanow (54 kg.), Selim Jumaýew (59 kg.), Nurmuhammet Hotjaýew (65 kg.), Kuwwat Nurýagdyýew (71 kg.), Orazgeldi Balyýew (+71 kg.) dagylar I orna eýe bolup ýeňişlerini baýram etdiler.
Ýaryşda baýrakly orna mynasyp bolan türgenlere Türkmenistanyň Magtymguly adyndaky Ýaşlar Guramasynyň Köpetdag etrap Geňeşliginiň ýadygärlik sowgatlary we Ýaş olimpýaçylary taýýarlaýyş mekdebiniň Hormat hatlary, medallary gowşuryldy.
Öwez ATALYÝEW,
Ýaş olimpiýaçylary taýýarlaýyş mekdebiniň direktorynyň sport işleri boýunça orunbasary.
Çeşme: https://msy.gov.tm/