Brýusselde jemlenşen ÝB-ne agza ýurtlaryň Daşary işler ministrleri Siriýa goýlan ýarag embargosynyň möhlediniň uzadylmagy bilen baglanşykly karar kabul etdi.
ÝB-ne agza ýurtlaryň Daşary işler ministrleri 1-nji martda möhledi doljak ýarag embargosynyň 3 aý uzadylmagy meselesinde ylalaşyga geldi.
Ministrler siriýaly oppozisionerlere tehniki taýdan goldaw berilmelidigini nygtady.
ÝB-ne agza ýurtlaryň Daşary işler ministrleri Siriýanyň hökümetine guralýan howa hüjümleriniň bes edilmegibarasynda ýüzlenme berdi.
ÝB-ne agza ýurtlaryň Daşary işler ministrleriniň maslahatynyň jemleýji jarnamasynda Siriýadaky krizisiň goňşy ýurtlarda ýaýbaňlaşmak howpunyň bardygyna üns çekildi.
Daşary işler ministrleri ýadro synaglaryny dowam etdirýän Demirgazyk Koreýanyň hökümetine goýlan embargolaryň çäginiň giňeldilmegi bilen baglanşykly karar kabul etdi.
ÝB-ne agza ýurtlara syýahat gadagançylygy goýlan we emlagy saklanan Demirgazyk Koreýalylaryň sany 26-a, firmalaryň sany bolsa 33-e çykaryldy.
Balistiki roketa önümçiliginde ulanylýan enjamlaryň Demirgazyk Koreýa eksport we import edilmegi hem gadagan edildi.