Eýranyň ýadro maksatnamasy bilen baglanşykly täze halkara gepleşikler Gazagystanyň Almaty şäherinde öz işine başlady.
Gepleşiklere Eýranly ýolbaşçylar bilen birlikde BMG-nyň Howpsuzlyk geňeşiniň hemişelik 5 agzasy ABŞ-nyň, Britaniýanyň, Fransiýanyň, Hytaýyň, Russiýanyň we Germaniýanyň ýokary derejeli ýolbaşçylary gatnaşýar.
Gepleşikleriň öňüsirasynda başdan geçirlen oňaýsyz wakalara ünsi çeken hünärmenlere görä, gepleşiklerden netije alynma ähtimallygy pes.
Halkara Atom energiýasy gullugynyň Tähranda geçiren gepleşikleriniň netijesiz bolmagy bu üýtgeşmelerden biridir.
Halkara Atom energiýasy gullugynyň başlygy Ýukiýa Amanonyň Eýranyň ýadro maksatnamasy bilen baglanşykly taýarlan soňky habarnamasynda, Eýranyň hökümetiniň açyk aýdyň hereket etmeýändigi sebäpli ýadro maksatnamasy bilen baglanşykly anyk maglumatyň ýokdygy nygtalýar.
Hünärmenler goýlan embargolar bilen Eýranyň ýadro maksatnamasy bilen baglanşykly düşnüşmezligiň çözülip bilinmejekdigine ünsi çekýär.
Günbatarly ýurtlar Eýrany ýadro ýaragyny öndürmäge synanşmak bilen aýyplaýar, Tähran bolsa ýadro maksatnamasynyň parahatçylykly maksatly bolandygyny öňe sürýär.