Pakistanda 11-nji maýda geçiriljek saýlawlara çenli ýurdy gönükdirjek wagtlaýyn hökümetiň Premýer ministri Mir Hazar Khan Khoso kasam edip wezipesine başlady.
Prezident Asyf Ali Zerdarynyň we Ýokary kaziýetiň agzalarynyň öňünde kasam eden Khoso ýurdy saýlawlara taýarlar. Ýokary saýlaw komissiýasynyň karary bilen premýer ministrlige bellenen Khoso hökümet we oppazisiýa tarapyndan “makul adam” hökmünde görülýär.
Belujistan welaýatyndan saýlanan täze Premýer ministriň Ministrler kabineti 12 ministrden ybarat bolar. Pakistanyň wagtlaýyn Premýer ministri Khoso saýlawlaryň adalatly we aç-açan ýagdaýda geçirilmegi üçin tagalla etjekdiklerini aýtdy. 180 million ilata eýe bolan Pakistanda maý aýynda geçiriljek saýlawlar demokratiýanyň ýola goýulmagy taýdan möhümdir.