TDH-niň täze internet taslamasynda alahteke bedewleri barada
Internet ulgamynda ýetip gelýän Türkmen bedewiniň baýramyna bagyşlanan täze web-saýt açyldy. Ganatly ahalteke bedewleri atly web-saýt Türkmen döwlet habarlar gullugy tarapyndan Türkmen atlary döwlet birleşiginiň hem-de Türkmenistanyň Daşary işler ministrliginiň maslahat beriş goldawynda taýýarlanyldy.
TDH-niň bu nobatdaky saýty ( ahalteke.gov.tm salgysy boýunça ýerleşdirildi) ählumumy ulgamda ýurduň häzirki zaman atçylyk we atçylyk sporty ulgamlary, şol sanda bu babatda halkara hyzmatdaşlygy, şeýle hem türkmen halkynyň ganatly bedewler bilen baglynyşykly baý däp-dessurlary bilen tanyşdyrýar.
Saýtyň esasy maksady umumadamzat gymmatlygy hökmünde gadymy döwürlerde türkmen topragynda dörän ahalteke bedewleriniň täsinligini, milli atçylyk pudagynyň häzirki ýagdaýyny hem-de ösüş mümkinçiliklerini açyp görkezmekden, halkymyzyň bedewlere goýýan uly sarpasy barada gürrüň bermekden ybaratdyr.