Türkmenistanyň futbol çempionatynyň 7-nji tapgyrynyň jemleýji duşuşyklary geçirildi.
Balkanabat şäheriniň “Sport toplumy” stadionynda geçirilen duşuşykda ýerli “Nebitçi” paýtagtymyzyň “Altyn Asyr” toparyny 1:0 hasabynda ýeňlişe sezewar etdi. Gazanan bu ýeňşi Balkanabadyň toparyna toplan alty utugy bilen ýaryş tertibinde 7-nji orna geçmegine mümkinçilik berdi.
Maryda “Energetik” bilen “Şagadam” toparlarynyň arasyndaky duşuşykda myhmanlar 1:0 hasabynda ýeňiş gazandylar. Yhlas Magtymowyň golundan soň 3 utuk toplan “Şagadam” ýaryş tertibinde üçünji basgançaga geçdi.
Bu tapgyrda geçirilmeli “Aşgabat” – “Ahal” toparlarynyň arasyndaky duşuşk 17-nji iýuna süýşürildi.
Futbol çempionatymyzyň 8-nji tapgyrynyň duşuşyklary 13-nji hem-de 14-nji maýda geçirilip, onda “Aşgabat” – “Şagadam”, “Merw” – “Altyn Asyr”, “Nebitçi” – “Ahal” hem-de “Energetik” – “Köpetdag” toparlary duşuşarlar.
Geçirilen duşuşyklaryň netijeleri:
“Nebitçi” – “Altyn Asyr” – 1:0
Gol: 14 Merdan Gurbanow (“Nebitçi”)
Duýduryşlar: 65 Merdan Gurbanow, 81 Wekil Kadyrow (“Nebitçi”)
Geçirilen ýeri: “Sport toplumy” stadiony (Balkanabat ş.)
Duşuşygyň emini: A.Sapaýew (Daşoguz ş.)
Kömekçi eminler: A. Begnazarow (Mary ş.), H.Abdiýazow (Daşoguz ş.)
Ätiýaçdaky emin: M.Saparow (Mary ş.)
Gözegçi emin: H.Rejepow (Aşgabat ş.)
Tomaşaçy sany: 500
“Energetik” – “Şagadam” – 0:1
Gol: 70 Yhlas Magtymow (“Şagadam”)
Duýduryşlar: 10 Begli Meredow (“Energetik”) – 4 Bagtyýar Hojaahmedow (“Şagadam”)
Geçirilen ýeri: “Energetik” stadiony (Mary ş.)
Duşuşygyň emini: R.Mämmedow (Aşgabat ş.)
Kömekçi eminler: M.Nurberdiýew (Aşgabat ş.), Y.Kurambaýew (Daşoguz ş.)
Ätiýaçdaky emin: M.Şanazarow (Ýolöten ş.)
Gözegçi emin: B.Atajanow (Daşoguz ş.)
Tomaşaçy sany: 1000
Çempionatyň tablisasy:
T/b | Toparlar | O | Ý | D | U | T | U |
1. | “AHAL” FK | 6 | 5 | 0 | 1 | 11-2 | 15 |
2. | “ALTYN ASYR” FK | 7 | 3 | 3 | 1 | 11-6 | 12 |
3. | “ŞAGADAM” FK | 7 | 3 | 2 | 2 | 4-4 | 11 |
4. | “KÖPETDAG” FK | 7 | 3 | 2 | 2 | 6-4 | 11 |
5. | “AŞGABAT” FK | 6 | 3 | 1 | 2 | 8-7 | 10 |
6. | “MERW” FK | 7 | 2 | 0 | 5 | 4-10 | 6 |
7. | “NEBITÇI” FK | 7 | 2 | 0 | 5 | 5-12 | 6 |
8. | “ENERGETIK” FK | 7 | 1 | 2 | 4 | 3-7 | 5 |
Çeşme: http://tff.com.tm/