2015-nji ýyly Bitaraplyk we Parahatçylyk ýyly diýip yglan etmeginiň many-mazmunyny açyp görkezmek babatda gurnalan bu wagyz-ündew otlysy Aşgabat-Bereket-Etrek ugry bilen geçer.
Aşgabat demir ýol menzilinde wagyz-ündew otlyny ugratmak çäresine paýtagtymyzyň ýaşaýjylary, demirýol ulgamynyň işgärleri we talyplar gatnaşdylar. Bu çärede Türkmenistanyň demirýol ulaglary ministrliginiň Altyn menzil folklor-etnografik topary we paýtagtymyzyň medeniýet müdirliginiň Aşgabat tans topary çykyş etdiler.
Belli ýazyjylaryň, şahyrlaryň, žurnalistleriň, aýdym-saz toparlaryndan düzülen döredijilik toparyň wekilleri daşary ýurtlarda geçirilýän Türkmenistanyň medeniýet günlerine gatnaşýan işjeň döredijilik işgärleridir. Olar her demir ýol menzilinde gyzykly çykyşlary gurnarlar.