Golaýda agyr atletika boýunça Türkmenistanyň birinjiligi tamamlandy. Ýetginjekleriň we ýaşlaryň arasynda guralan bu ýaryş Mary welaýatynyň Mary şäherinde geçirildi. Birinjilik ugrundaky ýaryşda ýetginjekler we ýaşlar 10 agram derejesinde bäsleşdiler.
Türkmenistanyň Sport we ýaşlar syýasaty ministrliginiň, Türkmenistanyň Agyr atletika federasiýasynyň we Türkmenistanyň Magtymguly adyndaky Ýaşlar Guramasynyň Merkezi Geňeşiniň jogapkärliginde geçirilen bu ýaryşa Aşgabadyň, welaýatlaryň, «Olimp» orta sport we Ýaş olimpiýaçylary taýýarlaýyş mekdebiniň türgenleri gatnaşdylar.
Ezber ştangaçylary saýlamak maksady bilen geçirilen ýaryşyň netijesinde ýetginjek gyzlaryň arasynda Ş.Kerimbaýewa (40 kg.), Z.Allaýarowa (45 kg.), O.Amanowa (49 kg.), Ç.Çaryberdiýewa (55 kg.), M.Amanowa (59 kg.), E.Rustamowa (64 kg.), G.Atahanowa (71 kg.), A.Bazarbaýewa (76 kg.), M.Täçmämmedowa (81 kg.) dagylar öz agramlarynda I orna eýe boldular.
Ýetginjek oglanlaryň arasynda bolsa B.Jumadurdyýew (49 kg.), S.Abdullaýew (55 kg.), D.Durdubaýew (61 kg.), M.Hudaýbergenow (67 kg.), G.Töräýew (73 kg.), R.Töräýew (81 kg.), S.Muhyýew (89 kg.), K.Jumanazarow (96 kg.), B.Guwançow (102 kg.), Y.Atabaýew (+102 kg.) dagylar I orna eýelik etdiler.
Z.Allaýarowa (45 kg.), O.Amanowa (49 kg.), D.Açylowa (55 kg.), F.Döwletowa (59 kg.), W.Molçanowa (64 kg.), G.Atahanowa (71 kg.), A.Bazarbaýewa (76 kg.), S.Bagtyýarowa (81 kg.) dagylar öz agramlarynda ýaşlaryň arasynda çempion boldular.
Ýaşlaryň arasynda geçirilen bäsleşikde oglanlardan A.Babamyradow (55 kg.), H.Ýagmyrow (61 kg.), B.Raşidow (67 kg.), G.Töräýew (73 kg.), Ş.Şöhradow (81 kg.), Ş.Rustambaýew (89 kg.), K.Ruslanow (96 kg.), B.Guwamçow (102 kg.), Y.Atabaýew (109 kg.), A.Daýiýew (+109 kg.) dagylar öz agramlarynda öňe saýlandylar.
Ýaryşda baýrakly orna mynasyp bolan türgenlere Türkmenistanyň Sport we ýaşlar syýasaty ministrliginiň Hormat hatlary, Türkmenistanyň Agyr atletika federasiýasynyň medallary we TMÝG-niň Merkezi Geňeşiniň sowgatlary gowşuryldy.
Gunça GURBANMÄMMEDOWA,
TDBSI-niň Sport žurnalistikasy hünäriniň talyby
Çeşme: msy.gov.tm