2020-nji ýylyň birinji çärýeginde «akylly» sagatlara isleg ýokarlandy. Geçen ýylyň degişli döwründe şeýle sagatlardan 11,4 milliony sargyt edilen bolsa, bu görkeziji şu ýylyň birinji çärýeginde 20 göterim ýokarlanyp, 13,7 milliona ýetipdi. Bazaryň 55 göterimini «Apple» kompaniýasynyň sagatlary emele getiripdir. Amerikan brendi şu ýylyň birinji çärýeginde global bazardan 7,6 million «akylly» sagat alypdyr. Geçen ýyl bu görkeziji 6,2 million bolan eken. «Samsung» kompaniýasynyň sagatlaryndan 1,9 milliony sargyt edilipdir. Bu bolsa, satuwa hödürlenen sagatlaryň 13,9 göteriminiň koreý brendine degişlidigini görkezýär. «Garmin» şereketiniň sagatlaryň umumy satuwdaky paýy 8% bolup, 1,1 million sagat sargyt alypdyr. Beýleki şereketleriň harytlary bazaryň 22,6 göterimini emele getirip, jemi 3,1 million sagat öndüripdir.
Çeşme: http://serhetabat-dovletabat.gov.tm/