Ýurdumyzyň futbol çempionatynyň 13-nji tapgyrynyň ilkinji duşuşygy geçirilip, onda paýtagtymyzyň “Aşgabat” hem-de “Altyn Asyr” toparlary duşuşdy.
“Nusaý” stadionynda geçirilen duşuşykda netijeli oýnan Ýazguly Hojageldiýewiň tälim berýän “Altyn Asyr” topary garşydaşynyň derwezesinden jogapsyz bir top geçirmegi başardy. “Altyn Asyra” ýeňiş getiren topy 11 metrlik jerime urgusyndan Altymyrat Annadurdyýew geçirmegi başardy.
Şeýlelikde, geçiren duşuşyklarynda 27 utuk toplan “Altyn Asyr” birinji orny eýelemegini dowam edýär. 17 utugy bolan “Aşgabat” 4-nji orunda ornaşdy.
Ýurdumyzyň futbol çempionatynyň 13-nji tapgyrynyň jemleýji duşuşyklary 7-nji iýunda geçiriler: “Köpetdag” – “Şagadam”, “Energetik” – “Ahal”, “Nebitçi” – “Merw”.
13-nji tapgyryň duşuşyklary:
“Aşgabat” – “Altyn Asyr” – 0:1
Gol: 36 (11 m.j.u.) Altymyrat Annadurdyýew (“Altyn Asyr”)
Duýduryşlar: 45 Boris Iwanow, 48 Muhammet Işangulyýew, 51 Baýjan Satlykow (“Aşgabat”) – 48 Ahmet Ataýew, 90+4 Resul Hojaýew (“Altyn Asyr”)
Meýdandan çykarylan: 89 Bekmurat Pirkuliýew (“Aşgabat”)
Geçirilen ýeri: “Nusaý” stadiony (Aşgabat ş.)
Duşuşygyň emini: Saparmämmet Gurbanow (Balkanabat ş.)
Kömekçi eminler: Akmyrat Jumaýew (Aşgabat ş.), Merdan Şanazarow (Mary ş.)
Ätiýaçdaky emin: Alibek Sapaýew (Daşoguz ş.)
Gözegçi emin: Hudaýnazar Rejepow (Aşgabat ş.)
Tomşaçy sany: 500
Çeşme: http://tff.com.tm/