29-njy fewral bilen 3-nji mart aralygynda paýtagtymyzda TFF-niň eminleriniň gatnaşmagynda täze möwsümiň öňüsyrasy ýörite okuw türgenleşik ýygnanyşygy geçiriler.
Türkmenistanyň çempionatydyr Kubogy ugrundaky ýaryşda eminlik edýän ýerli eminlerimiziň gatnaşmagynda okuw ýygnanyşygynyň gözükdirijisi hökmünde ýerli hünärmenler Allabergen Sapaýew, Wadim Baratow hem-de Maksat Seýitgulyýew çykyş edýärler.
Okuw ýygnanyşygynyň dowamynda gatnaşyjylar nazaryýetdir tejribe sapaklaryna gatnaşarlar. Okuwyň yzysüresi eminler FIFA-nyň düzgünnamasyna laýyk gelýän ýörite synaglardan geçerler.
Ýeri gelende bellesek, 3-4-nji martda gözegçi eminleriň gatnaşmagynda ýörite seminar geçiriler.
Çeşme: http://tff.com.tm/