Daşary ýurt walýutasyna dürli görnüşli önümler satyldy. Şeýlelikde, Tüpkmenbaşydaky nebiti gaýtadan işleýän zawodlar toplumynda öndürilen suwuklandyrylan gazy, TS-1 görnüşli uçar kerosinini, polipropileni, gidroarassalaýyşdan geçirilen dizel ýangyjyny we L-0,2-62 görnüşli dizel ýangyjyny Amerikanyň Birleşen Ştatlaryndan, Birleşen Arap Emirliklerinden, Owganystandan, Britan ýerlerinden we Wirgin adalaryndan gelen telekeçiler satyn aldylar. Seýdiniň nebiti gaýtadan işleýän zawodynda öndürilen M-100 görnüşli mazudy, L-0,9-62 we L-0,5-62 görnüşli dizel ýangyçlaryny Birleşen Arap Emirliklerinden, Daniýadan, Owganystandan we gelen telekeçiler satyn aldylar. Mundan başga-da, Beýik Britaniýanyň, Şweýsariýanyň we Hytaýyň işewür toparlarynyň wekilleri pagta süýümini we pagta lintini, Russiýadan, ABŞ-dan, Ukrainadan, Türkiýeden gelen täjirler tüýjümek we aşgarlanmadyk matalary, dokma önümçiligi üçin kelepleri, boýalan we żakkard polotensalary, buýan köküniň ekstraktyny, żinsi matalarynyň galyndylaryny, Latwiýadan gelen alyjylar bolsa wagon-sisternany satyn aldylar. Geleşikleriň umumy möçberi ABŞ-niň 121 million 274 müň dollaryndan ýokary geçdi.
Depozit manat serişdeleriniň hasabyna gaýtadan işlenilmedik ýüpek, nah ýüplükler, aşgarlanmadyk matalar, pagta saruny, pagta pamygy, pagta galyndylary, gara mallaryň dürli sortlardaky derileri, çig ýagly kislotalar, pagta şroty, boýalan tüýjümek önümler, şol sanda salfetkalar, polotensalar, prostynlar satyldy. Olary satyn alan ýurtlar: ABŞ, Beýik Britaniýa, Şweýsariýa, Türkiýe, Pakistan, Hindistan, Ukraina, Gyrgyzystandyr. Geleşikleriň umumy bahasy 8 million 550 müň manatdan gowrak boldy.
Ýurdumyzyň telekeçileri içerki bazar üçin 39 müň 900 manatlyk polipropileni satyn aldylar.
referans: www.turkmenistan.gov.tm