Ýokary liganyň futbol klublarynyň ýaşlar düzümleriniň gatnaşmagyndaky futbol boýunça Türkmenistanyň birinjiliginiň 1-nji tapgyrynyň jemleýji duşuşyklary geçirildi.
Türkmenbaşy şäherinde paýtagtymyzyň “Aşgabat II” toparyny kabul eden “Şagadamyň” ýaşlar düzümi 2:1 hasabynda ýeňiş gazandy. Paýtagtymyzda geçirilen duşuşykda “Ahal II” hem-de “Nebitçi II” toparlary duşuşyp, 1:1 hasabynda deňme-deň oýnadylar.
Bu tapgyrda geçirilmeli “Altyn Asyr II” bilen “Merw II” toparlarynyň arasyndaky duşuşyk 19-njy marta süýşürildi.
Ýaşlar düzümleriniň gatnaşmagyndaky futbol boýunça Türkmenistanyň birinjiliginiň ikinji tapgyrynyň duşuşyklary 10-11-nji martda geçiriler.
Geçirilen duşuşyklaryň netijesi:
“Şagadam II” – “Aşgabat II” – 2:1
“Ahal II” – “Nebitçi II” – 1:1
Çeşme: http://tff.com.tm/