Şu gün, 15-nji maýda birinji liga futbol toparlarynyň arasynda Türkmenistanyň birinjiliginiň Aşgabat şäheriniň zolaklaýyn ýaryşynyň birinji tapgyrynyň duşuşyklary geçirildi.
Bu tapgyrda baş baýrak ugrunda göreşýän toparlaryň üçüsi-de – “Köpetdag”, “Kerwen” hem-de “Hasyl” toparlary geçiren duşuşyklaryny öz peýdalaryna tamamladylar. Birinji liganyň çäginde ikinji tapgyryň duşuşyklary 20-nji maýda geçiriler.
Toparlaryň altysynyň gatnaşmagynda geçirilýän bäsleşigiň birinji aýlawynyň 8-nji iýuna çenli dowam edýändigini ýatladýarys.
Birinji liga futbol toparlarynyň arasynda Türkmenistanyň birinjiliginiň ýurdumyzyň welaýatlarynyň ählisinde geçirilýändigini bellemek gerek.
Birinjilikde ýeňiş gazanan toparlar şu ýylyň noýabrynda geçiriljek jemleýji ýaryşda çykyş etmäge mümkinçilik alarlar.
I tapgyryň netijeleri:
| Oýun 1. | “Olimp”–“Köpetdag” – 0:5 |
| Oýun 2. | “Kerwen”–GOÝÇÝSM – 3:0 |
| Oýun 3. | “Hasyl”–“Binagär” – 6:5 |
II tapgyr:
| 20.05.2020 ý. (çarşenbe)
|
|
| Oýun 4. | “Köpetdag” –“Binagär” |
| Oýun 5. | GOÝÇÝSM–“Hasyl” |
| Oýun 6. | “Olimp”–“Kerwen” |
Çeşme: http://tff.com.tm/