Aşgabatda Ýewropa Bileleşiginiň suw başlangyçlary syýasaty boýunça milli gepleşikleriň maksatnamasynyň çäklerinde okuw maslahaty geçirildi. “Türkmenistanda suw serişdelerini köptaraplaýyn dolandyrmak”atly okuw maslahaty Birleşen Milletler Guramasynyň Ösüş Maksatnamasynyň goldamagynda Türkmenistanyň suw hojalygy ministrligi we BMG-iň Ýewropa ykdysady komissiýasy tarapyndan gurnaldy. Okuw maslahatyna suw hojalygy, tebigaty goramak , saglygy goraýyş we derman senagaty, maliýe, ykdysadyýet we ösüş ministrlikleriniň hünärmenleri hem-de Türkmenistanyň Ministrler Kabinetiniň ýanyndaky gidrometeorologiýa baradaky döwlet komitetiniň wekilleri gatnaşdylar. Bu okuw maslahatyna Merkezi Aziýa döwletleriň suw başlangyçlary syýasaty boýunça milli utgaşdyryjylary, Germaniýanyň tehniki hyzmatdaşlyk boýunça jemgyýetiniň, Araly goramak Gaznasynyň, BMG-iň Ýewropa ykdysady komissiýasynyň wekilleri hem gatnaşdylar.
Çykyş edenler Günorta Ýewropa, Kawkaz we Merkezi Aziýa döwletlerinde serhetara derýalaryny we umuman suwy ulanmaklygyň meselelerine jogap berdiler. Halkara bileleşikleriň bu tagallalrynyň maksady- suw serişdelerini köptaraplaýyn peýdalanmagy dolandyrmak üçin netijeli usullary bilen üpjün etmek. Maslahata gatnaşyjylar suw serişdelerini oýlanyşykly peýdalanmaklygyň netijeli ugurlaryny we usullaryny diňe hyzmatdaşlygyň çäklerinde üpjün edilen suw baýlyklarynyň umumy gorlaryny bahandyrylmagyna esaslanmaly diýen umumy pikire geldiler.
Maslahata gatnaşyjy BMG-iň Ýewropa ykdysady komissiýasynyň serhetýaka suwlary we halkara kölleri ulanmaklyk we olary goramak boýunça Konwensiýalar býurosynyň başlygynyň orunbasary Harri Liwiň belleýşi ýaly, Türkmenistan suw serişdelerini goramaklyga we ikinji gezek peýdalanmaklyga uly üns berilýär. Ýurtda suwy tygşytlamak boýunça geçirilýän köp çäreler geçirilýär. Uly ähmiýeti bolan köpçülikleýn agaç ekmek, damjalaýyn usulda suwaryş usulyny girizmek, zeýkeş suwlary oba hojalyk we öri meýdanlaryndan sowup, Garagum çölünde olary arassalap ikinji gezek ulanmaklyk boýunça taslama- suwy tygşytly ulanmagyň aýdyň mysaly.
Belli bolşy ýaly, BMG-iň Ýewropa ykdysady komissiýasy serhetýaka suw serişdelerini azaltmaklygyň, zaýalamaklygyň öňüni almaklyga we suwy durnukly peýdalanmaklyga ýardam berýär.
Suw başlangyçlary syýasaty boýunça milli gepleşikleriň maksatnamasynyň çäklerinde, Türkmenistan 2010-njy ýyldan bäri milli suw syýasatyny ara alyp maslahatlaşmak boýunça maslahatlary gurnaýar. Suw başlangyçlary syýasaty boýunça milli gepleşikleriň maksady- serhetýaka suwlary we halkara kölleri ulanmaklyk we olary goramak boýunça Konwensiýanyň çäginde dolandyryş işlerine ýardam bermek. Konwensiýanyň düzgünnamalary diňe ýakyn we netijeli hyzmatdaşlykda durmuşa geçirilip bilner.
Maslahata gatnaşyjylar Türkmenistanyň suw syýasaty boýunça sebitara we halkara maslahatlaryň işjeň agzasy we ýurtda suw serişdelerini goramak ugrunda kanunçylyk işlerini kämilleşdirmek netijeleri boýunça birnäçe maslahatlary geçiren işçi topary hem döredilendigini aýratyn belläp geçdiler. Ýakynda BMG Baş Assambleýasynyň 66-njy sessiýasynda, Türkmenistan bütin dünýäde howa üýtgemegi boyunça Sebitara merkezini Aşgabatda açmaklygy teklip etdi. Bu ädim-aňly-düşünjeli zerurlyk we howa üýtgemeginiň netijelerinde dürli ýagdaýlarynyň ugurlarynda hyzmatdaşlyk etmäge isleg bolup durýar.
Bu okuw maslahaty BMG-iň Ýewropa ykdysady komissiýasynyň serhetýaka suwlary we halkara kölleri ulanmaklyk we olary goramak boýunça1992-nji ýyldaky Konwensiýasyna laýyklykda milli kanunçylykdaky kadalary üýtgetmek boýunça teklipleri işläp düzýän işçi toparyň işini bahalandyrmaga gönükdirildi. Bu toparyň düzümine Mejlisiň, suw hojalygy we daşary işler ministrlikleriniň hem-de beýleki guramalaryň wekilleri girýär.
Okuw maslahatynda ministrlikler we guramalar suw serişdelerini tygşytly peýdalanmak we daşky gurşawy goramak boýunça soňky ylmyň gazananlaryna daýanýan we häzirki döwrüň talabyna laýyk gelýän kanunçylyga goşmaçalary we üýtgeşmeleri girizmek boýunça teklipleri hödürlediler.
referans: www.turkmenistan.gov.tm