Ýustisiýanyň kiçi geňeşçisi Merdan Meretmyradowiç Baýjanow Türkmenistanyň Baş prokurorynyň orunbasary wezipesinden; ýustisiýanyň kiçi geňeşçisi Nowruzow Eziz Babahanowiç gulluk borçlaryny talaba laýyk ýerine ýetirmändigi üçin Aşgabat şäheriniň Köpetdag etrabynyň prokurory wezipesinden boşadyldy.
***
Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy Gurbanguly Berdimuhamedowyň Karary bilen, polisiýanyň podpolkownigi Gurbangeldi Jommiýewiç Baýramow Aşgabat şäheriniň Polisiýa müdirliginiň başlygy wezipesinden boşadyldy.
***
Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy Gurbanguly Berdimuhamedow Buýruga gol çekdi. Resminama laýyklykda, gulluk borçlaryny talaba laýyk ýerine ýetirmän, işde goýberen kemçilikleri üçin Aşgabat şäheriniň prokurory Akmämmedow Pirmämmet Akmämmedowiçe berk käýinç yglan edildi.