Garşydaşlarynyň tutluşyga çykmandyklary üçin sport sambosy boýunça zenanlaryň arasynda 80 kilogram agram derejesinde Kundoza Zaýçibekowa (Gyrgyzstan), erkekleriň arasynda 100 kilogramdan ýokary derejede Abkenar Behnam Hodhoda (Eýran) hem-de söweş sambosy boýunça 90 kilograma çenli agram derejede Raikhan Madia (Gazagystan) ýeňiş yglan edildi.
Türkmenistanyň ýygyndy topary umumy toparlaýyn hasapda birinji orny eýeledi. Ildeşlerimiz 21 altyn, 26 kümüş we 19 bürünç medala mynasyp boldular. Ikinji orny Özbegistanyň (20 altyn, 18 kümüş we 17 bürünç medal), üçünji orny bolsa Gazagystanyň (20 altyn, 10 kümüş we 13 bürünç medal) ýygyndy toparlary eýelediler.