Aşgabatda hokkeý boýunça Türkmenistanyň çempionatynyň ilkinji aýlawy tamamlandy. Bu ýaryşa sekiz sany hokkeý topary- «Galkan», «Şirр», «Oguzhan», «Nesil», «Merdana», «Watançy», «Alp Arslan» we «Bürgüt» gatnaşdylar. Ýaryş paýtagtymyzdaky Gyşky oýunlar sport toplumynda geçirildi.
Galkan topary ýurdumyzyň şu wagtky hokkeý boýunça çempiony bolup, şu wagt 21 utuk gazanyp öňe saýlanýar. Ikinji ýer üçin çekeleşikli geçen ýaryşa 15 utukdan alan Şir we Oguzhan topary hem-de 12 utuk gazanan Nesil topary gatnaşdylar.
Üçünji ornuň ykbaly jemleýji tapgyryň birinji aýlawynda çözüldi. Bu ýaryşda Şir bilen Nesil topary gatnaşyp Şir topary 5:2 hasap bilen ýeňiş gazandy.
Çempionatyň ikinji aýlawy «Galkan» we «Nesil» toparlaryň arasynda 14-nji fewralda badalga alar.