Türkmenistanyň Sport we ýaşlar syýasaty ministrliginiň «Türkmenistan» Ýaşlar bedenterbiýe-sport guramasy we Türkmenistanyň Bilim ministrligi tarapyndan ýurdumyzyň ýokary okuw mekdepleriniň talyplarynyň hem-de professor mugallymlarynyň, ýurdumyzyň orta hünär okuw mekdepleriniň talyp ýaşlarynyň hem-de Türkmenistanyň orta mekdepleriniň okuwçylarynyň arasynda «Türkmenistan – ruhubelentligiň we sagdynlygyň ýurdy» atly XI sport ýaryşlary geçirildi.
2020-nji ýylyň 6-njy maýynda Halkara nebit we gaz uniwersitetinde ýapylyş dabarasy boldy. Sport ýaryşlarynyň jemleýji netijeleri boýunça ýeňijiler belli edildi.
Türkmenistanyň orta mekdepleriniň okuwçylarynyň arasynda
I orun: Aşgabat şäheriniň ýygyndy topary
II orun: Mary welaýatynyň ýygyndy topary
III orun: Daşoguz welaýatynyň ýygyndy topary
Türkmenistanyň orta hünär we başlangyç hünär okuw mekdepleriniň talyplary
I orun: Türkmenistanyň Gurluşyk we binagärlik ministrliginiň Aşgabat gurluşyk orta hünär okuw mekdebiniň topary
II orun: Türkmenistanyň Dokma senagaty ministrliginiň Aşgabat şäherindäki mehanika-tehnologiki orta hünär okuw mekdebiniň topary
III orun: Türkmenistanyň Energetika ministrliginiň Aşgabat «Energetika» orta hünär okuw mekdebiniň topary
Türkmenistanyň ýokary okuw mekdepleriniň talyplary
I orun: Türkmen döwlet bedenterbiýe we sport institutynyň topary
II orun: Türkmen döwlet binagärlik-gurluşyk institutynyň topary
III orun: Türkmen Döwlet ykdysadyýet we dolandyryş institutynyň topary
Türkmenistanyň ýokary okuw mekdepleriniň professor-mugallymlary
I orun: Türkmen döwlet bedenterbiýe we sport institutynyň topary
II orun: Türkmen döwlet binagärlik-gurluşyk institutynyň topary
III orun: Magtymguly adyndaky Türkmen döwlet uniwersitetiniň topary
Paýtagtymyzyň dürli ýaşdaky tans toparlarynyň we aýdymçylarynyň türkmen sportuny wasp edýän aýdymdyr sazlary bilen bezelen bu dabaranyň barşynda ýeňiji toparlara Türkmenistanyň Sport we ýaşlar syýasaty ministrliginiň Hormat hatlary, Türkmenistanyň Magtymguly adyndaky Ýaşlar guramasynyň Merkezi geňeşiniň hem-de Türkmenistanyň Kärdeşler Arkalaşygynyň sowgatlary gowşuryldy.
Muhammetmekan KAKYŞOW,
Türkmenistanyň Sport we ýaşlar syýasaty ministrliginiň «Türkmenistan» Ýaşlar bedenterbiýe-sport guramasynyň baş hünärmeni.
Çeşme: https://msy.gov.tm/