Raýat ýagdaýynyň namalarynyň döwlet tarapyndan bellige alynmagyny raýat ýagdaýynyň namalarynyň ýazgysynyň edaralary tarapyndan öz ygtyýarlyklarynyň çäklerinde geçirýärler.
Raýat ýagdaýynyň namalarynyň ýazgysynyň (RÝNÝ) döwlet edaralary fiziki şahslaryň degişli hereketleriniň ýa-da bu adamlaryň hukuklarynyň we borçlarynyň ýüze çykmagyna, üýtgemegine ýa-da bes edilmegine täsir edýän, şeýle hem hukuk ýagdaýyny häsiýetlendirýän wakalaryň hakykylygyny tassyklamak maksady bilen raýat ýagdaýynyň namalarynyň döwlet tarapyndan bellige alynmagyny geçirýärler.
Raýat ýagdaýynyň namalary ‒ raýatlaryň hukuklarynyň we borçlarynyň ýüze çykmagyna, üýtgemegine ýa-da bes edilmegine täsir edýän, şeýle hem olaryň hukuk ýagdaýyny häsiýetlendirýän, döwlet belligine alynmaga degişli bolan raýat ýagdaýynyň ýazgylarynyň namalarynda görkezilýän raýatlaryň hereketleri ýa-da wakalar we faktlar.
RÝNÝ edaralary:
welaýat hukukly şäherleriň, etraplaryň, etrap hukukly şäherleriň, şäherdäki etraplaryň häkimlikleriniň RÝNÝ bölümleri;
еtrapdaky şäherleriň, şäherçeleriň we geňeşlikleriň Geňeşleri;
raýat ýagdaýynyň namalaryny döwlet tarapyndan bellige almaga ygtyýarly edilen Türkmenistanyň diplomatik wekilhanalary ýa-da konsullyk edaralary
Welaýat hukukly şäherleriň, etraplaryň, etrap hukukly şäherleriň, şäherdäki etraplaryň häkimlikleriniň RÝNÝ bölümleri:
dogluşy;
nikanyň baglaşylmagyny;
nikanyň bozulmagyny;
perzentlige alynmagyny;
atalygyň anyklanylmagyny;
familiýanyň, adyň we atasynyň adynyň üýtgedilmegini;
ölümi döwlet tarapyndan bellige alynmagyny geçirýärler;
gaýtadan şahadatnamalar we güwänamalar berýärler;
raýat ýagdaýynyň namalarynyň ýazgysyna üýtgetmeler, goşmaçalar we (ýa-da) düzedişler girizýärler;
bellenilen tertipde raýat ýagdaýynyň namalarynyň ýazgysyny ýatyrýarlar we (ýa-da) dikeldýärler.
Etrapdaky şäherleriň, şäherçeleriň we geňeşlikleriň Geňeşleri:
dogluşy;
nikanyň baglaşylmagyny;
nikanyň bozulmagyny;
atalygyň anyklanylmagyny;
ölümi döwlet tarapyndan bellige alynmagyny geçirýärler;
güwänamalar berýärler.
Türkmenistanyň diplomatik wekilhanalary ýa-da konsullyk edaralary Türkmenistanyň çäginden daşarda ýaşaýan Türkmenistanyň raýatlarynyň:
dogluşy;
nikanyň baglaşylmagyny;
nikanyň bozulmagyny;
perzentlige alynmagyny;
atalygyň anyklanylmagyny;
familiýanyň, adyň we atasynyň adynyň üýtgedilmegini;
ölümi döwlet tarapyndan bellige alynmagyny geçirýärler;
gaýtadan şahadatnamalar we güwänamalar berýärler.