Ýakynda Türkmenistanyň Sport we ýaşlar syýasaty ministrliginiň Ýaş olimpiýaçylary taýýarlaýyş mekdebinde köçe-ýol hereketiniň kadalaryny dogry berjaý etmek barada terbiýeçilik ähmiýetli duşuşyk-maslahaty geçirildi.
Maslahata hormatly myhman bolup Türkmenistanyň Içeri işler ministrliginiň Jemgyýetçilik howpsuzlygynyň müdirliginiň, Aşgabat şäheriniň Köpetdat etrabynyň Polisiýa müdirliginiň we Aşgabat şäheriniň Polisiýa müdirliginiň Ýangyn howpsuzlygy bölüminiň 109-njy harbylaşdyrylan Ýangyn howpsuzlyk bölüminiň wekilleri gatnaşdylar.
Okuwçy-türgenleriň mekdepde we jemgyýetçilik ýerlerinde özlerini tertipli alyp barmaklaryny, saglyklaryna zeper ýetirjek ähli zyýanly endiklerden daşda durmaklaryny, sagdyn-durmuş ýörelgesine eýermeklerini, howpsuzlyk düzgünleriniň kadalaryny berjaý etmeklerini gazanmak maksady bilen geçirilen maslahata mekdepde zähmet çekýän işgärler we türgen okuwçylar gatnaşdylar.
Dabaranyň ahyrynda maslahata gatnaşyjylar hormatly Prezidentimiziň il-ýurt bähbitli, döwlet ähmiýetli işleriniň hemişe rowaçlyklara beslenmegini arzuw etdiler.
Jemal MURADOWA,
Ýaş olimpiýaçylary taýýarlaýyş mekdebiniň direktorynyň okuw we terbiýeçilik işleri boýunça orunbasary.
Çeşme: https://msy.gov.tm/