Ahal welaýatynyň Ak bugdaý etrabynyň sport mekdebinde Ahal welaýat häkimligine degişli başlangyç hünär okuw mekdepleriniň talyplarynyň arasynda sportuň ýeňil atletika görnüşi boýunça bäsleşik geçirildi.
Bäsleşikler «Türkmenistan» Ýaşlar bedenterbiýe-sport guramasynyň Ahal welaýat bölümi, Ahal welaýat sport we ýaşlar syýasaty Baş müdirligi we Ahal welaýat häkimligi tarapyndan guraldy.
Ýaryşyň dowamynda oglanlar 100 metre, 4×100 metr aralyga ylgamakda, uzynlygyna bökmekde, gyzlar 60 metre, 4×100 metre ylgamakda we uzynlygyna bökmekde özara bäsleşdiler.
Bäsleşigiň umumy netijesi boýunça 6-njy başlangyç hünär okuw mekdebi ýeňiji boldy. 7-nji başlangyç hünär okuw mekdebiniň talyplary 2-nji orna, 5-nji başlangyç hünär okuw mekdebiniň talyplary 3-nji orna mynasyp boldular.
Ýeňijilere «Türkmenistan» Ýaşlar bedenterbiýe-sport guramasynyň Ahal welaýat bölüminiň Hormat hatlary gowşuryldy.
Meýlis DURDYÝEW,
«Türkmenistan» Ýaşlar bedenterbiýe-sport guramasynyň Ahal welaýat bölüminiň bölüm müdiri.
Çeşme: msy.gov.tm