Türkmenistanyň futbol çempionatynyň 11-nji tapgyrynyň jemleýji oýun güni iki duşuşyk geçirildi.
Paýtagtymyzda geçirilen duşuşykda «Altyn Asyr» topary myhmançylykda «Köpetdagy» 2:1 hasabynda ýeňlişe sezewar etdi.
Gazanan bu ýeňşinden soň 21 utuk toplan paýtagtymyzyň topary ýaryş tertibinde eýeleýän birinji ornuny saklap galdy.
Türkmenbaşyda geçirilen duşuşykda ýerli «Şagadam» bilen «Ahalyň» arasynda geçirilen duşuşyk 1:2 hasabynda myhmanlaryň peýdasyna tamamlandy.
Şeýlelikde, 21 utugy bolan «Altyn Asyr» ýaryş tertibinde birinji orny eýeleýär. Ikinji, üçünji orunlary degişlilikde «Ahal» (21 utuk) hem-de «Aşgabat» toparlary eýeleýärler.
Futbol çempionatymyzyň 12-nji tapgyrynyň duşuşyklary 1-nji hem-de 2-nji iýunda geçirilip, onda «Altyn Asyr» – «Energetik», «Nebitçi» – «Aşgabat», «Merw» – «Şagadam» hem-de «Ahal» – «Köpetdag» toparlary duşuşarlar.
11-nji tapgyryň netijeleri:
«Şagadam» – «Ahal» – 1:2
Gollar: 90+3, 11 m.j.u Yhlas Magtymow (“Şagadam”) – 30 Ilýa Tamurkin, 37 Murat Ýakşiýew (“Ahal”)
Duýduryşlar: 35 Farhat Italmazow, 43 Aşyrgeldi Saryýew (“Şagadam”) – 43 Gurbangeldi Aşyrow (“Ahal”)
Geçirilen ýeri: «Şagadam» stadiony (Türkmenbaşy ş.)
Duşuşygyň emini: Begenç Allaberdiýew (Aşgabat ş.)
Kömekçi eminler: Ahmet Begnazarow (Mary ş.), Berdimämmet Atdyýew (Tejen ş.)
Ätiýaçdaky emin: Babanazar Haknazarow (Aşgabat ş.)
Gözegçi emin: Eldar Ramazanow (Aşgabat ş.)
Tomaşaçy sany: 1500
«Köpetdag» – «Altyn Asyr» – 1:2
Gollar: 25 Döwletmuhammet Seýitmuhammedow (“Köpetdag”) – 32 Resul Hojaýew, 65 Rahman Myratberdiýew (“Altyn Asyr”)
Duýduryşlar: 28 Serdar Baýramow, 31 Möwlamberdi Goşşanow, 37 Ybraýym Mämmedow, 62 Elýas Akyýew (“Köpetdag”) – 35 Ahmet Ataýew, 37 Furkat Tursunow, Oýundan soň Mämmet Orazmuhammedow (oýundan soň) (“Altyn Asyr”)
Oýundan çykarylanlar: 75 Elýas Akyýew, ikinji duýduryş (“Köpetdag”) – 80 Ahmet Ataýew, ikinji duýduryş (“Altyn Asyr”)
Geçirilen ýeri: «Aşgabat» stadiony (Aşgabat ş.)
Duşuşygyň emini: Resul Mämmedow (Aşgabat ş.)
Kömekçi eminler: Pälwan Pälwanow (Daşoguz ş.), Myrat Nurberdiýew (Aşgabat ş.)
Ätiýaçdaky emin: Saparmämmet Gurbanow (Balkanabat ş.)
Gözegçi emin: Maksat Seýitgulyýew (Aşgabat ş.)
Tomaşaçy sany: 800
Çeşme: http://tff.com.tm/