2015-nji ýylyň 31-nji martynda Türkmenistanyň Daşary işler ministrliginde 2015-nji ýylyň 2-4-nji apreli aralygynda Aşgabatda geçiriljek «Aziada-2017 we Türkmenistanyň ösüşiň hem-de parahatçylygyň bähbidine sportda tutýan orny» atly halkara maslahatyna gatnaşmak üçin Türkmenistana iş sapary bilen gelen Umumyhytaý Import-Eksport Takyk maşyngurluşyk («Toçmaş») korporasiýasynyň wekiliýeti bilen duşuşyk geçirildi.
Duşuşygyň dowamynda geljekde ikitaraplaýyn özara gatnaşyklaryny giňeltmek üçin amatly mümkinçilikler açylýan medeni-gumanitar ulgamynda hyzmatdaşlyk etmegiň, şeýle hem iki ýurduň işewürler toparlarynyň arasynda hyzmatdaşlygyň meseleleri boýunça pikir alyşmalar geçirildi. Şeýle hem, hytaý korporasiýasynyň wekilleri «Аziada – 2017» geçirmegiň dowamynda howpsuzlygy üpjün etmek boýunça taslamalaryň tanyşdyrlyşyny geçirdiler.
Duşuşygyň ahyrynda hytaý tarapy iki ýurduň arasynda netijeli hyzmatdaşlygy işjeňleşdirmekde Türkmenistanyň möhüm ornuny belläp, geljekde hem işjeň hyzmatdaşlygyň tarapdarydygyny beýan etdi.