Golaýda nyşana ok atmak boýunça Türkmenistanyň ýokary sport ussatlygy mekdebiniň açyk birinjiligi geçirildi. Ýaryş ýaraglaryň WP-2 görnüşi boýunça erkekleriň we zenanlaryň, PP-1, PP-2 görnüşleri boýunça ýaşlaryň we ýetginjekleriň arasynda guraldy.
Çekeleşikli geçen ýaryşyň netijesinde ýaşlaryň arasynda WP-2 görnüşi boýunça erkekleriň arasynda Ruben Sarkisýan I orna, Hydyr Merdanow II orna, Danil Wertýanow III orna mynasyp bolmagy başardylar. Zenanlaryň arasynda bolsa Ýekaterina Arabowa I orny eýeledi.
Ýaragyň WP-2 görnüşi boýunça ýetginjekleriň arasynda Atamyrat Saparow I orna, Kemal Hudaýnazarow II orny, Döwletgeldi Geldinazarow 3-nji orny eýeledi.
Ýaragyň WP-1 görnüşi boýunça ýetginjek oglanlaryň arasynda Yhlas Goçow I orna, Mekan Berdiýew II orna, Nikita Çerpanow III orna mynasyp boldy.
Ýaragyň WP-1 görnüşi boýunça ýetginjek gyzlaryň arasynda Aýbölek Geldiýewa I orna, Jemal Mommadowa II orna, Gülgunça Aşyrowa III orna eýe bolup, ýeňişini baýram etdi.
Ýaryşyň PP-2 görnüşi boýunça ýetginjek oglanlaryň arasynda Arslan Penžiýew I orna, Timur Arslanow II orna, Alimuhammet Aýdogdyew III orna mynasyp bolmagy başardylar. Ýaryşyň PP-1 görnüşi boýunça ýetginjek gyzlaryň arasynda Ýazgül Öwezowa I orna, Polina Wertýankina II orna, Wiktoriýa Sergeýewa III orna mynasyp bolmagy başardylar.
Ýaryşda baýrakly orna mynasyp bolan türgenlere guramaçylar tarapyndan Hormat hatlar gowşuryldy.
Batyr ANNAÝEW,
Türkmenistanyň Ýokary sport ussatlygy mekdebiniň instruktor-metodisti.
Çeşme: msy.gov.tm