Türkmenistanyň içeri işler ministrliginiň Balkan welaýat polisiýa müdirliginiň işgärleriniň arasynda sportuň şaşka görnüşi boýunça şahsy birinjilik geçirildi. Ýaryş Balkan welaýat polisiýa müdirligi, Türkmenistanyň Milli şaşka merkezi we Türkmenistanyň Magtymguly adyndaky Ýaşlar guramasynyň Balkan welaýat Geňeşi tarapyndan gurnaldy.
Ýaryşda erkekleriň arasynda Balkan welaýat polisiýa müdirliginiň işgärleri Rüstem Hallyýew I orna, Gurbanmyrat Saparow II orna, Nurmyrat Orazow III orna mynasyp boldular.
Zenanlaryň arasyndaky ýaryşyň netijesi boýunça I orny Annagül Hojaýewa, II orny Täjigül Halmämmedowa we III orny Baýramgül Geldiýewa eýelediler.
Ýaryşyň ýeňijilerine Türkmenistanyň içeri işler ministrliginiň Balkan welaýat polisiýa müdirliginiň hormat hatlary we Türkmenistanyň Magtymguly adyndaky Ýaşlar guramasynyň Balkan welaýat Geňeşiniň ýadygärlik sowgatlary gowşuryldy.
Çeşme: www.msy.gov.tm