Türkiýäniň paýtagty Ankara şäherinde ýerleşýän Hajettepe uniwersitedinde Aşgabatda Ýapyk binalarda we söweş sungaty boýunça V Aziýa oýunlarynyň başlamagyna 150 gün galmagyna we Sagdynlygyň we ruhybelentligiň ýylyna bagyşlanan sport çäreleri geçirildi
Türkiýede Aziada-2017-ä we Sagdynlygyň we ruhybelentligiň ýylyna bagyşlanan çäre geçirildi.
Hajettepe uniwersitedindäki dabaraly çärä Türkmenistanyň Türkiýe Respublikasyndaky Adatdan daşary we Doly ygtyýarly ilçisi Işanguly Amanlyýew, Hajettepe uniwersitediniň rektory Prof. Dr. A. Haluk Özen, uniwersitediň mugallymlary, Türkiýede okaýan türkmen talyplar we myhmanlar gatnaşdylar.
Türkmenistanyň Türkiýe Respublikasyndaky Ilçihanasynyň guramagynda geçirilen çärede söz sözlän Ilçi Işanguly Amanlyýew çäräniň Aşgabatda Ýapyk binalarda we söweş sungaty boýunça V Aziýa oýunlarynyň başlamagyna 150 gün galmagyna we Sagdynlygyň we ruhybelentligiň ýylyna bagyşlanyp geçirilýändigini habar berdi we Berkarar döwletimizde Hormatly Prezidentimiz Gurbanguly Berdimuhamedowyň ýolbaşçylyk etmeginde durmuşa geçirilen we geçirilýän işler barada maglumat berdi. Ilçi Amanlyýew sözüniň ahrynda çärä gatnaşýanlara minnetdarlyk bildirdi.
Hajettepe uniwersitedinde geçirilen çärede spordyň futbol we küşt ugurlary boýunça bäsleşikler geçirildi.
Türkiýede okaýan türkmen talyplar spordyň iki ugry boýunça hem öz ussatlyklaryny görkezdiler. Futbol boýunça geçirilen ýaryşda Uşak uniwersitedinde okaýan türkmen talyplar has taýarlykly gelendiklerini görkezdiler we 1-nji oruna mynasyp boldylar.
Ýaryşlarda üstünlik gazanan talyplara sowgatlar berildi.
Çäräniň ahyrnda bolsa türkmen milli tagamlar hödür-kerem edildi.
Çeşme: trtavaz.com.tr