01.12.2025
BAŞ SAHYPA DURMUŞ GÜNÜŇ WAKALARY Iň Täze Habarlar

Türkmenistanyň Wekilleri Howanyň Üýtgemegi Boýunça Daşkent Duşuşygyna Gatnaşarlar

Oba hojalygy we daşky gurşawy goramak ministrliginiň, şeýle hem Suw hojalygy döwlet komitetiniň hünärmenleri 3-4-nji aprelde Daşkentde geçiriljek howanyň üýtgemeginiň meseleleri boýunça Merkezi Aziýa maslahatynda Türkmenistana wekilçilik ederler.

Duşuşyk Bütindünýä bankynyň başlangyjynyň çäklerinde geçirilýär we döwlet edaralarynyň, sebit hem-de halkara guramalarynyň hünärmenleriniň 200-e golaýyny birleşdirer. Forum Araly halas etmegiň Halkara gaznasynyň Ýerine ýetiriji komitetiniň, Merkezi Aziýa Sebit ekologiýa merkeziniň we “Özgidrometiň” goldamagynda geçiriler.

Geljekki maslahatyň gün tertibinde tebigat-howa üýtgemeleriniň ugurlary, olaryň tebigat ekoulgamyna, daşky gurşawa we ilatyň saglygyna täsiri barada pikir alyşmalar göz öňünde tutulýar. Oňa gatnaşyjylar bu meselede häzirki zaman ylmy maglumatlary ara alyp maslahatlaşarlar we howanyň üýtgemeginiň ýaramaz täsirini peseltmek çäreleriniň toplumyny hem-de uýgunlaşma çärelerini bellärler.

turkmenistan.gov.tm

Degişli makalalar

Olimpiýa Şäherjiginde V Aziýa Oýunlarynyň Jemleýji Ýaryşlary Geçirildi

turkmenhabargullugy

Prezidentimiziň Milli Medeniýetimize Bagyşlanan Täze Kitaplary

syrach

Maslahat köşgündäki baýramçylyk konserti.

syrach