Malaýziýanyň başlangyjy bilen Kuala-Lumpur şäherinde “Mýanmadaky Rohinýaly musulman azlyklarynyň ýagdaýy boýunça Yslam Hyzmatdaşlyk Guramasynyň (YHG) Daşary işler ministrleriniň Geňeşiniň adatdan daşary duşuşygy” geçirildi.
Bu maslahata YHG-nyň agza ýurtlarynyň 57-dеn wekiller gatnaşdy. Daşary işler ministrleriniň Geňeşiniň adatdan daşary duşuşygyna Türkmenistanyň wekiliýeti hem gatnaşdy.
Malaýziýa iş saparynyň dowamynda Türkmenistanyň wekiliýeti Malaýziýanyň Daşary işler ministri jenap Anifah Aman bilen duşuşdy. Duşuşygyň barşynda taraplar ikitaraplaýyn gatnaşyklary ösdürmek meselelerini we halkara guramalaryň çäklerinde hyzmatdaşlygy giňeltmek meselelerini ara alyp maslahatlaşdylar.