2017-nji ýylyň 9-njy noýabrynda Wengriýanyň DIM-nde Türkmenistanyň we Wengriýanyň Daşary işler ministrleriniň orunbasarlarynyň derejesinde duşuşyk geçirildi.
Duşuşygyň dowamynda taraplar ikitaraplaýyn gatnaşyklarynyň ösüşi, halkara guramalarynyň, ylaýta-da BMG, ÝHHG we ÝB ýaly guramalaryň çäklerinde hyzmatdaşlygy giňeltmek meselelerini ara alyp maslahatlaşdylar we dürli halkara guramalaryň çarçuwasynda birek-biregiň halkara başlangyçlaryny goldaýandygyny kanagatlama bilen bellediler.
Ikitaraplaýyn syýasy-diplomatik gatnaşyklaryny ösdürmek meselesiniň çäklerinde taraplar ýokary derejedäki saparlary gurnamak mümkinçiliklerini ara alyp maslahatlaşdylar.
Medeni-ynsanperwer ulgamynda taraplar iki ýurduň arasynda hyzmatdaşlygyň ileri tutulýan ugurlarynyň hatarynda bilimi, syýahatçylygy we sporty atlandyrdylar.