Golaýda erkin göreş boýunça Aşgabat şäheriniň çempionaty tamamlandy. Erkekleriň arasynda geçirilen bu ýaryş «Galkynyş» bedenterbiýe-sagaldyş toplumynda guraldy.
Çempionata 7 topar gatnaşyp, olar öz aralarynda 8 agram derejesinde bäsleşdiler. Gyzgalaňly geçen ýaryşyň netijesinde S.Geldimyradow (57 kg.), D.Guwanjow (61 kg.), A.Azymow (65 kg.), I.Myradow (70 kg.), Ý.Kakabaýew (74 kg.), O.Orazmämmedow (79 kg.), H.Hemenekow (86 kg.), O.Amangylyjow (92 kg.) dagylar öz agramlarynda I orna eýe bolup, ýeňişlerini baýram etdiler.
Ýaryşda baýrakly orunlara mynasyp bolan türgenlere Türkmenistanyň Sport we ýaşlar syýasaty ministrliginiň Hormat hatlary we Türkmenistanyň Sport göreş federasiýasynyň sowgatlary gowşuryldy.
Döwranberdi AMANBERDIÝEW,
«Olimp» orta sport mekdebiniň instruktor-metadisti.
Çeşme: msy.gov.tm