Paýtagtymyzda okuw-türgenleşik ýygnanyşygyny geçirýän Marynyň “Merwi” “Aşgabat” köpugurly stadionynyň türgenleşik meýdanynda ikinji ýoldaşlyk duşuşygyny geçirdi. Paýtagtymyzyň “Aşgabat” topary bilen geçirilen duşuşykda Marynyň topary 2:0 hasabynda ýeňiş gazandy. “Merwe” ýeňiş getiren toplary duşuşygyň ikinji ýarymynda Alibek Abdyrahmanow (60, 64) öz adyna ýazdyrdy.
Ýeri gelende bellesek, duşuşygyň birinji ýarymynda paýtagtymyzyň toparynyň düzüminde ýakynda BAE-de okuw-türgenleşik ýygnanyşygyny geçiren futbol boýunça milli ýygyndymyzdan çakylyk alan oýunçylaryň bäşisi (Gurbanmyrat Garaýew (derwezeçi), Myrat Amantaganow, Nazar Towakelow, Şatlyk Gurbanow, Döwran Berdiýew) çykyş etdi. Bu duşuşykda milli derejeli emin Akmyrat Jumaýew eminlik etdi.
Marynyň toparynyň okuw-türgenleşik ýygnanyşygynyň dowamyndaky birinji duşuşygynda “Köpetdag” bilen geçiren duşuşygyny 2:2 hasabynda tamamlandygyny ýatladýarys.
Çeşme: http://tff.com.tm/