„Aşgabat 2017“ Oýunlarynyň öňüsyrasynda men sport tansy boýunça milli ýygyndy toparyň liderleriniň biri, tansa gatnaşýan tälimçi Aleksandr Sisekin bilen duşuşdym.
-Saşa, siz haçan tans edip başladyňyz?
-1999-njy ýylda 11 ýaşym dolanda ejem meni tans toparyna getirende tejribeli horeograf Olga Žurawlýowanyň toparyna düşdüm.
Elbetde, oglanjyklaryň köpüsi ýlay, basketbol oýnaýardym, suwda ýüzýärdim, uly tennis oýnmagyň höwesindedim, ýöne çeper horegrafiýa islegim rüstem çykdy.
-Onsoň ilkinji üstünlik haçan geldi?
-2001-nji ýylda „Dostlaryň arasynda“ bäsleşiginde birinji ýer almak başartdy. Moskwada ýaşan we okan döwrüm ŞUK-nyň oýunlarynda tematiki çärelere gatnaşmaga çagyrýardylar, olaryň ählisinde meniň çykyşyma gowy baha berýärdiler, tejribe toplaýardym. Ýygyndy topara çagyranlarynda, ony dessine kabul etdim.
Aziadanyyň düzgünlerine görä, toparyň her jübüdi bir tans bilen çykyş etmeli. Ýoldaşym Waleriýa Nepomnýaşşaýa ikimiz rumba tansyny bilen çykyş ederis, topardaşlarymyz Lidiýa Gogolewa bilen Meýlis Atamyradow jaýw tansynda ussatlygyny görkezerler. Uly jogapkärçiligi duýýarys, wezipämiz tans tilsimlerini we çeperçiligi kämil ýerine ýetirmekden başga-da, tans meýdançasynda bar ünsümizi ýeňşe jemlemek.
-Tanslaryň haýsysyny halaýaňyz? Latyn amerikan tanslarymy ýa-da adaty?
-Latyn amerikan tanslaryny. Olar üýtgeşik depginli, hakyky duýgylara baý.
-Aziada taýýarlygyňyza özüňiz nähili baha berýäňiz?
-Biz bu ugra ýaňy başladyk, esasy wezipämiz ýurdumyz üçin sportyň täze görnüşiniň düýbüni tutmak, munuň üçin erjel döredilik gözleginde bolmaly. Belarusda, Gazagystanda, Russiýada geçirilen okuw-türgenleşik ýygnanşyklary türgenlerimiziň mümkinçiginiň ýokarydygyny görkezdi, bizem Aziadada ýurdumyza mynasyp wekilçilik etmäge çalşarys.
-Saşa, siziň pikiriňize görä, sport tansynyň Türkmenistanda sportda çempionlar görnüşi bolmagy üçin näme etmeli?
-Welaýatlaryň ählisinde sport tansy bölümlerini açmaly. Oglan-gyzjagazlarda biziň göreldämize eýerip, sport sungatynyň şu owadan görnüşiniň syrlaryny öwrenmäge höwes döremegi üçin milli ýygyndy toparymyza „Aşgabat 2017“ Oýunlarynda gowy çykyş etmek gerek.
Olimpiýa şäherçesiniň tans meýdançasynda tomaşaçylar we türgenler üçin amatly şertler döredilen. Tiz wagtdan biziň üçin jogapkärli we abraýly ýaryşlara gatnaşarys.
Näme bolanda-da, ägirt uly milli taslama bolan we ýokary netijeli sporty ösdürmäge güýçli itergi berýän „Aşgabat 2017“ Oýunlary ýeňer. Men sport tansynyň geljeginiň uludygyna ynanýaryn, biziň baş maksadymyz sportyň şeýle gyzykly, nepis we owadan görnüşini wagyz etmäge ýardam etmekdir.