Türkmen medeniýetini we gündelik durmuşy beýan edýän goşlar Yragyñ paýtagty Bagdatda açylan sergi bilen tanadylýar.
Bagdadyñ welaýat häkimligi we Türkmen doganlyk ojagy tarapyndan açylan sergide türkmenlere degişli egin eşikler, gündelik durmuşda ulanylýan goşlar bilen türkmenleriñ durmuş ulgamyny beýan edýän goşlar sergilenýär.
Serginiñ açylyş dabarasyna gatnaşan Bagdadyñ welaýat häkimi Salah Abdürrezzak sergilenýän her bir eseriñ türkmen medeniýetini, taryhyny, urp-adatlaryny görkezýändigini nygtady.
Türkmenleriñ Yragy emele getirýän esasy elementlerden biri bolandygyny aýdan Abdürrezzal “Türkmenler bilen buýsanýarys. Türkmenler Yragyñ gurulmagynda uly rol oýnady. Şu gün Yragyñ halkyna türkmen jemgyýetini tanatmaga çalyşýarys. İlkinji gezek şeýle sergi açýarys” diýip belledi.
Sergä Yragyñ welaýatlardan jogapkär Döwlet ministri Turhan Müfti bilen birlikde syýasatçylar, ýazyjylar we sungat ussatlary hem gatnaşdy.
Türkmen medeniýetini yragyñ halkyna tanatmagy maksat edinýän sergi 2 hepde açyk bolar.
referans: www.trtturkmen.com