Türkmenistanyň HHR-daky Ilçihanasynyň birinji Hazar ykdysady forumy bilen tanyşdyrylyşy boýunça çäreler tapgyry Pekindäki Halkara telekeçiligi we ykdysadyýeti uniwersitetinde geçirilen duşuşyk bilen jemlendi, onuň çäklerinde Türkmenistanyň GDA we AHEHG başlyklyk etmeginiň Konsepsiýasy bilen tanyşdyryş çäresi hem-de Halkara Nowruz baýramy mynasybetli baýramçylyk konserti gurnaldy.
Dabara 350 adam, şol sanda ýokary okuw mekdebiniň professor-mugallymlar düzümi, Pekiniň okuw mekdeplerinde bilim alýan türkmenistanly, hytaýly we daşary ýurtly talyplar, şeýle hem jemgyýetçilik hem-de köpçülikleýin habar beriş serişdeleriniň wekilleri gatnaşdylar.
Dabarada Türkmenistanyň Hytaýdaky ilçisi Parahat Durdyýew çykyş edip, ýygnananlary Halkara Nowruz baýramy bilen gutlady we ýurdumyzda onuň baýramçylyk däpleri barada gürrüň berdi. Ilçi Hazar ykdysady forumynyň Konsepsiýasy bilen tanyşdyryp, Türkmenistan Hazarda giň halkara hyzmatdaşlygyna, ony parahatçylyk, howpsuzlyk we durnukly ösüş giňişligine öwürmek syýasatyna ygrarlydygyny tassyklaýar- diýip nygtady.
Şeýle hem ýygnananlaryň ünsi ýurdumyzyň GDA-nyň çäklerinde köpugurly gatnaşyklary işjeňleşdirmekden we ýurduň daşary syýasat ugrunyň strategiki ugurlarynyň biri hökmünde suw diplomatiýasyny goşulyşma jähtlerinden ugur alýandygyna çekildi.
Tematiki wideoşekiller ýurdumyzyň innowasion ösüşe we sanlaşdyrma konsepsiýasyna, maýa goýum we syýahatçylyk mümkinçiliklerine, türkmen halkynyň taryhyna, medeniýetine hem-de däplerine alnan ugur jähtinden uly möçberli gazananlary barada düşünje berdi. Konsert maksatnamasy dabara baýramçylyk ruhuny çaýdy.
turkmenistan.gov.tm