FIFA-nyň ýolbaşçylary Aziýanyň Futbol Konfederasiýasynyň resmi wekilleri bilen geçiren maslahatyndan soň Dünýä çempionaty 2022-niň hem-de Aziýa çempionaty 2023-iň saýlama tapgyrlarynyň duşuşyklarynyň wagtlaryny soňa süýşürdi.Ýeri gelende bellesek, saýlama tapgyrlaryň duşuşyklary şu ýylyň 23-31-nji martda hem-de 1-9-njy iýunda geçirilmelidi.
Bu barada FIFA tarapyndan Türkmenistanyň Futbol federasiýasyna iberilen resmi hatda beýan edilýär.
Saýlama tapgyrçasynyň “H” toparçasynda çykyş edýän Türkmenistanyň milli ýygyndysy häzirki wagta çenli geçiren duşuşyklarynda 9 utuk toplap, birinji orny eýeleýär. Şeýle-de, bu toparçada Koreýa Respublikasynyň, KHDR-iň, Liwanyň hem-de Şri-Lankanyň milli ýygyndylary çykyş edýärler. Milli ýygyndymyz indiki duşuşygyny 26-njy martda Koreýa Respublikasynyň ýygyndy toparynyň garşysyna geçirmelidi. 31-nji martda bolsa Liwanyň milli ýygyndysyny kabul etmeli ýygyndy toparymyz, iýun aýynda KHDR-iň milli ýygyndysy bilen myhmançylykda duşuşmalydy.
Çeşme: http://tff.com.tm/
Türkmenistan Futbol Dünýä çempionaty iň täze sport habarlary