Şu gün, 24-nji aprelde ýokary liganyň futbol klublarynyň ýaşlar düzümleriniň gatnaşmagyndaky futbol boýunça Türkmenistanyň birinjiliginiň bäşinji tapgyrynyň ilkinji duşuşyklary geçirildi.
Maryda ýerli “Energetik” toparyndan 0:4 hasabynda üstün çykan “Altyn Asyr” toparynyň ýaşlar düzümi toplan 12 utugy bilen ýaryş tertibinde birinji basgançaga geçdi.
Tapgyryň beýleki duşuşygy paýtagtymyzda geçirilip, onda “Köpetdag II” topary “ahally” deň-duşlaryndan 2:3 hasabynda ýeňildiler.
5-nji tapgyryň jemleýji duşuşyklary 25-nji aprelde geçirilip, onda “Aşgabat II” – “Nebitçi II” hem-de “Şagadam II” – “Merw II” toparlary duşuşarlar.
Geçirilen duşuşyklaryň netijeleri:
“Energetik II” – “Altyn Asyr II” – 0:4
Gollar: 28, 90+3 Merdan Muhadow, 39 Şamämmet Hydyrow, 80 Yhlas Toýjanow (“Altyn Asyr II”)
“Köpetdag II” – “Ahal II” – 2:3
Gollar: 44 Ýagşysähet Döwletgeldiýew, 50 Röwşen Begjanow (“Köpetdag II”) – 7 Agageldi Täçmämmedow, 83 Azady Annadurdyýew, 84 Orazgeldi Seýidow (“Ahal II”)
Ýaryş tertibi:
| T/b | Toparlar | O | Ý | D | U | T | U |
| 1. | “ALTYN ASYR II” | 4 | 4 | 0 | 0 | 15-3 | 12 |
| 2. | “NEBITÇI II” | 4 | 3 | 1 | 0 | 6-2 | 10 |
| 3. | “AHAL II” | 4 | 2 | 2 | 0 | 7-4 | 8 |
| 4. | “KÖPETDAG II” | 5 | 2 | 0 | 3 | 9-9 | 6 |
| 5. | “MERW II” | 4 | 2 | 0 | 2 | 6-8 | 6 |
| 6. | “ŞAGADAM II” | 4 | 1 | 1 | 2 | 3-8 | 4 |
| 7. | “ENERGETIK II” | 5 | 1 | 0 | 4 | 5-10 | 3 |
| 8. | “AŞGABAT II” | 4 | 0 | 0 | 4 | 5-12 | 0 |
Çeşme: http://tff.com.tm/