Türkmenistanyň Sport we ýaşlar syýasaty ministrligi bilen Türkmenistanyň Futbol federasiýasynyň bilelikde guramagynda 2002-nji ýylda doglan ýaşlaryň arasynda geçirilýän ýurdumyzyň futbol birinjiliginde birinji tapgyryň duşuşyklary geçirildi.
“Türkmenistan – Bitaraplygyň mekany” ady bilen geçirilýän bäsleşigiň ilkinji tapgyrynda “A” toparçada bäsleşen “Balkan” bilen “Aşgabat” toparlary 0:0 hasabynda deňme-deň oýnadylar. Toparçanyň beýleki duşuşygynda “Lebap” topary “Ahalyň” derwezesinden jogapsyz toplaryň ikisini geçirdi.
“B” toparçada “Daşoguz” “Olimpden” 1:0 hasabynda üstün çykdy. “Mary” bilen GOÝÇYSM toparlary netijeli deňlik oýnadylar (2:2).
Aşgabat şäheriniň Büzmeýin etrabynyň Gökje ýaşaýyş jaý toplumyndaky “Sport desgada” geçirilýän bäsleşige paýtagtymyzyň toparlary bilen birlikde ýuurdumyzyň ähli künjegine wekilçilik edýän toparlaryň 8-siniň gatnaşýandygyny ýatladýarys.
I tapgyryň netijeleri:
“А” topar
“Balkan”-“Aşgabat” – 0:0
“Lebap”-“Ahal” – 2:0
“B” topar
“Mary”-GOÝÇYSM – 2:2
“Daşoguz”-“Olimp” – 1:0
06.05.2020 ý. II tapgyr
“B” topar “A” topar
Oýun 5. 09:00 “Daşoguz”-“Mary” Oýun 7. 13:00 “Aşgabat”-“Ahal”
Oýun 6. 11:00 “Olimp”-GOÝÇYSM Oýun 8. 15:00 “Balkan”-“Lebap”
çeşme: http://tff.com.tm/