Birleşen Arap Emirlikleriniň Prezidenti Türkmenistanyň Prezidentini Oraza aýynyň gelmegi bilen gutlady
Birleşen Arap Emirlikleriniň Prezidenti Halifa bin Zaýed Al-Nahaýan Mukaddes Oraza aýynyň gelmegi bilen, Türkmenistanyň Prezidenti Gurbanguly Berdimuhamedowy gutlady.
Beýik Biribardan Size berk jan saglyk we bagt, Türkmenistanyň doganlyk halkyna hoşniýetlilik we abadançylyk, tutuş musulman ymmatyna bolsa gülläp ösüş we rowaçlyk dileg edýärin diýlip BAE-niň Prezidentiniň hormatly Prezidentimize iberen gutlagynda aýdylýar.
Şeýle hem döwlet Baştutanymyzyň adyna Birleşen Arap Emirlikleriniň wise-prezidenti, premýer-ministri, Dubaý Emirliginiň häkimi Mohammed bin Raşid Al Maktum we Abu-Dabiniň mirasdüşer Şazadasy, Birleşen Arap Emirlikleriniň Ýaragly Güýçleriniň Belent Serkerdebaşysynyň orunbasary Mohammed bin Zaýed Al-Nahaýan gutlag hatlaryny iberdiler.
Kuweýt Döwletiniň Emiri Oraza aýynyň gelmegi mynasybetli Türkmenistanyň prezidentini gutlady
Kuweýt Döwletiniň Emiri Şeýh Sabah Al-Ahmad Al-Jabar Al-Sabah Türkmenistanyň Prezidenti Gurbanguly Berdimuhamedowa Mukaddes Oraza aýynyň gelmegi mynasybetli öz gutlaglaryny iberdi.
Beýik Biribardan Siziň Alyhezretiňize berk jan saglyk we bagt, türkmen halkyna bolsa mundan beýläk-de gülläp ösüş we rowaçlyk, şeýle hem tutuş musulman ymmatyna abadançylyk dileg edýärin diýip gutlagda aýdylýar.