29.9 C
Aşkabat
19.05.2022
BAŞ SAHYPA Iň Täze Habarlar SPORT

“Daýhanbank” Bilen “Köpetdag” Ýaryş Tertibinde Öňdäki Orunlary Eýeleýärler

Şu gün, 13-nji iýunda ýurdumyzyň futzal boýunça Naýbaşy ligasynyň 6-njy tapgyrynyň duşuşyklary geçirildi.

Bu tapgyrda ýaryş tertibiniň öňbaşçylary “Daýhanbank” bilen “Köpetdag” toparlary garşydaşlaryny ýeňlişe sezewar etdiler.

“Daýhanbank” topary “Senagatbankdan” 4:2 hasabynda üstün çykan bolsa, onda “Köpetdagyň” futzalçylary “Gümrükçiniň” derwezesinden jogapsyz toplaryň dördüsini geçirmegi başardylar.

Bu tapgyrdan soň toparlaryň ikisi-de 15 utuk topladylar, ýöne özaralaryndaky duşuşygyň netijesinde “Daýhanbank” ýaryş tertibinde birinji basgançagy eýeleýär.

Tapgyryň beýleki duşuşyklarynda “Deňizçi” bilen “Migrasiýa” 1:1 hasabynda deňme-deň oýnadylar. “Olimpden” 11:6 hasabynda üstün çykan “Serhetçi” bolsa çempionatdaky ilkinji ýeňşini baýram etdi.

Türkmen döwlet ykdysadyýet we dolandyryş institutynyň sport toplumynda dowam edýän Naýbaşy liganyň ýedinji tapgyry 15-nji iýunda geçiriler.

Çeşme: http://tff.com.tm/

Degişli makalalar

TÜRKMENISTANYŇ KANUNY Howply Önümçilik Desgalarynyň Senagat Howpsuzlygy Hakynda

Türkmenistanyň Prezidenti Nebitgaz Pudagyny Ösdürmek Boýunça Maslahat Geçirdi

Türkmen Talyplary Halkara Matematika Olimpiadasynda Altyn Medallaryň Üçüsini, Kümüş Baýraklaryň Bäşisini we Bürünç Medallaryňam Altysyny Eýelediler