TÜRKMENISTANYŇ KANUNY
Türkmenistanyň Maşgala kodeksine üýtgetmeler girizmek hakynda
I. 2012-nji ýylyň 10-njy ýanwarynda Türkmenistanyň Kanuny bilen tassyklanylan Türkmenistanyň Maşgala kodeksine (Türkmenistanyň Mejlisiniň Maglumatlary, 2012 ý., № 1, 9-njy madda, № 4, 118-nji madda; 2014 ý., № 1, 50-nji madda; 2015 ý., № 4, 129-njy madda) şu üýtgetmeleri girizmeli:
1. 94-nji maddanyň üçünji böleginde «prokuroryň hem-de» diýen sözleri aýyrmaly we «wekilleriniň» diýen sözi «wekiliniň» diýen söze çalşyrmaly;
2. 97-nji maddanyň ikinji böleginiň ikinji sözlemini şu görnüşde beýan etmeli:
«Ata-enelik hukuklaryny dikeltmek hakynda işe hossarlyk we howandarlyk edarasynyň wekiliniň gatnaşmagynda garalýar.».
3. 98-nji maddanyň dördünji bölegini şu görnüşde beýan etmeli:
«4. Ata-enelik hukuklaryny çäklendirmek hakynda işe hossarlyk we howandarlyk edarasynyň wekiliniň gatnaşmagynda garalýar.».
4. 101-nji maddanyň birinji böleginde «prokuroryň hökmany gatnaşmagynda» diýen sözleri aýyrmaly;
5. 102-nji maddanyň ikinji bölegini şu görnüşde beýan etmeli:
«2. Çagany almak we ony başga adama (adamlara) bermek bilen baglanyşykly çözgütleriň mejbury ýerine ýetirilmegi hossarlyk we howandarlyk edarasynyň wekiliniň hökmany gatnaşmagynda we çaganyň berilýän adamynyň (adamlarynyň) gatnaşmagynda, zerur halatlarda bolsa ‒ içeri işler edarasynyň wekiliniň gatnaşmagynda geçirilmelidir.».
6. 123-nji maddanyň ikinji bölegini şu görnüşde beýan etmeli:
«2. Çagany perzentlige almagyň hakyky däl diýlip ykrar edilmegi ýa-da perzentlige almagyň ýatyrylmagy hakynda işe hossarlyk we howandarlyk edarasynyň wekiliniň hökmany gatnaşmagynda seredilýär.».
II. Şu Kanun resmi taýdan çap edilen gününden güýje girýär.
Türkmenistanyň Prezidenti
Gurbanguly Berdimuhamedow
Aşgabat şäheri. 2016-njy ýylyň 23-nji noýabry.